THE CHARTER

dictam aut in aut aliqua Bona vel Merchandizas infra PROVINCIAM prædictam
aut infra Portus aut Navium Stationes dictæ PROVINCIÆ onerandus seu
exonerandas Et hanc Declarationem nostram in omnibus Curiis et Prætoriis
et coram quibuscunque Judicibus nostris Hæredum et Successorum nostrorum
pro sufficienti et legitimâ Liberatione Solutione et Acquietantia inde de Tempore
in Tempus recipi et allocari Volumus ac pro NOBIS Hæredibus et
Successoribus nostris jubemus et mandamus præcipientes omnibus et singulis
Officiariis et Ministris nostris Hæredum et Successorum nostrorum et sub gravi
Indignatione injungentes ne quid in contrarium Præmissorum ullo unquam
Tempore attemptare audeant aut eisdem ullo Modo contraveniant Sed præfato
modò Baroni de BALTIMORE et Hæredibus ac præfatæ PROVINCIÆ de
TERRA MARIÆ Incolis et Mercatoribus prædictas eorumque Servis et
Ministris Factoribus et Assignatis in plenissimo hujus CHARTÆ nostræ Usu
et Fruitione omni Tempore prout decet auxilientur et assistant.

    XXI. ET ULTERIUS VOLUMUS ac per Præsentes pro NOBIS Hæredibus
et Successoribus nostris concedimus præfato modò Baroni de BALTIMORE
Hæredibus et Assignatis suis et dictæ PROVINCIÆ Terræ-tenentibus
Habitatoribus præsentibus et futuris eorum quod PROVINCIA prædicta
Terræ-tenentes vel Incolæ ejusdem Coloniæ aut Patriæ vel Terræ Virginiæ
aut alicujus alterius Coloniæ deductæ vel deducendæ Membrum vel Pars de
cætero non habeantur vel reputentur aut de eisdem dependentes sint aut Regimine
subsint in aliquo Ipsamque et Ipsos ab eisdem separamus et separatos esse
VOLUMUS per Præsentes Ac quód Coronæ nostræ Angliæ immediatè sint
subjecti et de eâdem dependentes imperpetuum.

    XXII. Et si fortè imposterum contingat Dubitationes aliquas Quæstiones
circa verum Sensum et Intellctum alicujus Verbi Clausulæ vel Sententiæ in
hâc præsenti CHARTA nostrâ contentæ generari EAM semper et in omnibus
Interpretationem adhiberi et in quibuscunque Curiis et Prætoriis nostris
obtinere VOLUMUS præcipimus et mandamus quæ præfato modò Baroni de
BALTIMORE Hæredibus et Assignatis suis benignior utilior et favorabilior
esse judicabitur PROVISO semper quod nulla fiat Interpretatio per quam
Sacro-sancta DEI et vera Christian Religio aut Ligeantia NOBIS Hæredibus
et Successoribus nostris debita Immutatione Prejudicio vel Dispendio in aliquo
patiantur Eo quod expressa Mentio, * &c.

    XXIII. IN cujus Rei, &c. T. R. apud Westmonasterium XX° Die Junii
per Breve de privato Sigillo.

    *  So endeth the Attested Copy, taken in the Year 1758, from the original Record remaining
        in the Chapel of the Rolls, and Signed by HENRY ROOKE Clerk of the Rolls, which was
        lent me by his Excellency HORATIO SHARPE, Esq; from whence the above is
        transcribed 3/43/4 The said Copy is entitled at the Head, Tertia Pars Patentium de Anno Regni
        CAROLI Octave; and at the End is written as in the Sect. XXIII.