6 Charter, June 20, 1632.

P. R. O.

rios Magistratus Officiarios et Ministros suos secundum
tenorem ac veram intencionem presencium constituendos et
conficiendos debite exequendam Judicesque et Justiciarios
Magistratus et officiarios quoscunque ad quascunque Causas
et cum quacunque potestate et in forma que prefato modo
Baroni de Baltimore vel heredibus suis melior esse videbitur
terra ilia ac parcium illarum mari constituendi et ordinandi
crimina item et excessus quoscunque contra hujusmodi leges
sive ante judicium acceptum sive post remittendi relaxandi et
pardonandi et abolendi ceteraque omnia alia et singula ad jus-
ticie complementum Curiasque Pretoria et Tribunalia Judicio-
rum formas et procedendi modos pertinentia eticiamsi de illis
expressa in presentibus non fiat mencio ac in Curiis Pretoriis
et Tribunalibus illis in Accionibus sectis causis et negociis
quibuscunque tam criminalibus quam civilibus personalibus
realibus et mixtis ac Pretoriis procedendi placita tenendi et
terminandi per Judices per ipsos delegatos liberam plenam et
omnimodam tenore presencium concedimus potestatem Quas-
quidem leges sic ut premittitur promulgandas absolutissima
juris firmitate niti et ab omnibus hominibus subditis et ligeis
nostris heredum et successorum nostrorum quatenus eos
concernunt in partibus illis custodiri et sub penis in eisdem
expressis et exprimendis inviolabiliter observari volumus injun-
gimus precepimus et mandamus Ita tamen quod leges predicte
sint racioni consone et non sunt repugnantes nec contrarie
sed (quoad convenienter fieri poterit) consentanee legibus
statutis consuetudinibus ac juribus hujus Regni nostri Anglie
Et quoniam in tante Provincie regimine repentini casus sepe-
numero contingunt quibus necesse erit remedium adhiberi
antequam liberi tenentes dicte Provincie legati vel deputati sui
ad leges condendas convocari possint nec idoneum erit con-
tinuo tali casu emergente tantum populum convocari Idcirco
pro meliori gubernacione tante provincie volumus et ordinamus
Ac per presentes pro nobis heredibus et successoribus nostris
prefato modo Baroni de Baltimore et heredibus suis concedi-
mus Quod prefatus modo Baro de Baltimore et heredes sui
per se vel per Magistratus et officiarios in ea parte debite ut
prefertur constituendos ordinaciones idoneas et salubres de tem-
pore in tempus facere et constuere possint et valeant infra
Provinciam predictam custodiendas et observandas tam pro
Custodia pacis quam pro meliori regimine populi ibidem
degentis easque omnibus quos eedem aliqualiter tangunt seu
tangere possint publice innotescere quasquidem ordinaciones
infra dictam Provinciam inviolabiliter observari volumus sub
penis in eisdem exprimendis Ita quod eedem ordinaciones
sint racioni consone et non sint repugnantes nec contrarie sed
(quoad convenienter fieri potest) consentanee legibus Statutis