10 Charter, June 20, 1632.

P. R. O.

talibus locis et cum talibus juribus jurisdiccionibus libertatibus
et privilegiis ad hujusmodi Portus spectantibus prout ei vel eis
melius videbitur expedire Quodque omnes et singule Naves
Cimbe et alia vasa quecunque causa merchandizandi ad
Provinciam et ex Provincia predicta venientes et exeuntes
ad hujusmodi Portus per dictum modo Baronem de Balti-
more heredes et assignatos suos sic erigende et constituende
solummodo onerentur et exonerentur Aliquo usu con-
suetudine aut aliqua alia re in contrarium non obstante Salva
semper nobis heredibus et Successoribus nostris et omnibus
Subditis Regni nostri Anglie et Hibernie heredum et Succes-
sorum nostrorum libertate piscandi piscem marinum tam in
mare estuariis et fretis et fluminibus Navigio idoneis quam in
Portubus estuariis et Crecis Provincie antedicte ac privilegio
saliendi exsiccandi et arefaciendi pisces in littoribus ejusdem
Provincie et ea de causa buscam et vimina ibidem crescencia
succindere et capere et casas et tugoriola in hac parte neces-
saria extruere prout racionabiliter hactenus usi fuerunt aut
potuerunt Quibus quidem libertatibus et privilegiis dicti subditi
nostri heredum et Successorum nostrorum gaudebunt absque
notabili damno vel injuria prefato modo Baroni de Baltimore
heredibus vel assignatis suis aut ejusdem Provincie Incolis et
Inhabitantibus in Portubus Crecis aut littoribus predictis et
presertim in boscis et silvis ibidem crescentibus aliqualiter
fiendis Et si quis hujusmodi damnum fecerit aut injuriam
gravis indignacionis nostre heredum et Successorum nostrorum
debiteque legum Castigacionis periculum penamque preter
emendacionis subeat Volumus insuper statuimus et ordinamus
ac per presentes pro nobis heredibus et successoribus nostris
concedimus prefato modo Baroni de Baltimore heredibus et
assignatis suis Quod idem Baro de Baltimore heredes et
assignati sui de tempore in tempus imperpetuum habeant et
gaudeant telonia et subsidia in Portubus Navium stacionibus
et aliis Crecis et locis predictis infra Provinciam predictam
solubilia sive emergentia pro mercimoniis et rebus ibidem
onerandis et exonerandis per ipsos et populos ibidem ut
predictum est occasione emergente racionabiliter assidendis
quibus eadem justa de causa debita proporcione assidere et
inducere telonea et subsidia ibidem potestatem pro nobis
heredibus et Successoribus nostris damus per presentes Et
ulterius de gracia nostra speciali ac ex certa sciencia et mero
motu nostris dedimus concessimus et confirmavimus Ac per
presentes pro nobis heredibus et Successoribus nostris damus
concedimus et confirmamus prefato modo Baroni de Baltimore
heredibus et assignatis suis plenam et absolutam licenciam
potestatem et aucthoritatem Quod ipse prefatus modo Baro
heredes et assignati sui de tempore in tempus imposterum